RECOMENDACIÓNS DE LECTURAS PARA NADAL

O equipo da Biblioteca xunto con Leo e Mariña desexamos a toda a comunidade educativa un Bo Nadal e un feliz ano novo 2017.

Para desfrutar nestas datas de lecer ou agasallar,  deixámosvos unha boa recomendación de libros feita en colaboración co equipo de Dinamización Lingüística.

Libros para viaxar...

Leer más publicaciones en Calaméo

e libros para soñar, aprender e desfrutar...



Leer más publicaciones en Calaméo

3 DE DECEMBRO. APRENDENDO XUNTOS

As nenas e nenos de 2º descubrimos e tivemos o pracer de coñecer a grandes persoeiros  relacionadas con esta data. 

Coma nós investigamos sobre Betanzos, aquí moi preto, na Coruña os atopamos. Son os rapaces e rapazas do CEE Nuestra Señora de Lourdes.

Canto nos aprenderon sen tocar  nin un libro, nin un lapis, nin unha ficha.

Mirade a súa visita e..... se queredes ter o pracer de coñecelos, estade atentos porque voltarán a visitarnos.

APRENDENDO XUNTOS. 3 DE DECEMBRO on PhotoPeach

3 DECEMBRO

      Para conmemorar este día, Leo agasallounos cun novo recuncho para a biblioteca! Xusto na entrada do colexio podes atopar unha exposición de libros, que neste caso tratan o tema  da discapacidade e que podedes levar para casa, sempre pasando antes pola biblioteca para deixarlle anotado a Leo quen o leva.

       

DIA INTERNACIONAL DAS PERSOAS CON DISCAPACIDADE

Para traballar esta data propuxéronse distintas actividades dende o Departamento de Orientación:

•  O conto El pájaro amarillo de Olga Rios para Educación Infantil e 1º de Primaria
•  A curta de animación "Un viaje rodado" para 2º, 3º e 4º  , 
• A curta"El regalo" para 5º e 6º 
• Escenas de "Al frente de la clase"para  6º
• Un taller con ASPRONAGA para 2º
• Unha charla da ONCE para os alumnos de 4º 
• Unha xincana para todos os niveis. 
• Así mesmo cada nivel investigará ou traballará algunha persoa destacada con discapacidade do país que lle corresponde según o PDI.

A biblioteca organiza unha exposición de libros na entrada do colexio algúns deles podédelos ver aquí, todos están dispoñibles.

Nesta recompilación feita, hai uns anos, polas nosas compañeiras podedes atopar maís recursos.

INFORMACIÓN SOBRE ALIMENTOS

Hoxe en todas as aulas de primaria recibimos unhas caixas que nos enviou Leo. 
Nos seu interior atopamos distintos productos típicos do país que estamos a traballar:
freixoas para 1º, repolos para 2º, piñas para 3º, laranxas para 4º, dátiles para 5º e patacas para 6º.

E tamén unha carta, na que Leo nos pedía axuda para investigar sobre o contido das caixas, e ver que comidas podíamos facer con eses alimentos para o menú da festa de Nadal que se achega.

Aquí vos deixamos unha pouquiña información sobre os alimentos de cada país.

Boa procura!!

XOGAMOS?

EXPOSICIÓN SOBRE PAÍSES E VIAXES

Xa podedes visitar na biblioteca a exposición de libros sobre os diferentes países que cada nivel está a descubrir dentro do PDI deste curso: " Descubrindo as cores do mundo. Unha viaxe en globo"

1º curso: Brasil

2º curso: Betanzos (aínda que non é un país, coma todos sabemos)

3º curso: Venezuela

4º curso : China

5º curso: Marrocos

6º curso: Perú

Inglés: EEUU

Podedes atopar libros con información xeográfica, histórica, gastronómica, artística, musical...,contos dos distintos países e información recollida en artigos de distintas revistas.

Á entrada da biblioteca atópase outra pequena exposición de libros de viaxes en xeral.

Agardamos que a disfrutedes e aprendades moitas cousas!!

EXPOSICIÓN LIBROS PAÍSES on PhotoPeach

LECTURAS COMPARTIDAS

Arrancaron as lecturas compartidas por segundo ano e con novidades.

Se o curso pasado so lían alumnos de 6º a nenas e nenos de 1º, este curso sumáronse á actividade 2º e 5º de Primaria.

Reorganizamos e decidimos que os cursos de 5º leran ós de 1º, coa idea de continuar o vindeiro curso coa mesma parella, e os de 6º a 2º. 

A actividade segue a realizarse no tempo de lectura de cada día a 1º hora da mañá. 

As quendas son as que seguen: 

LUNS	MARTES	MÉRCORES	XOVES	VENRES
1ºA-5ºD	1ºB-5ºB	1ºD- 5ºE	1ºE- 5ºC	1ºC- 5ºA
2ºE- 6ºC	2ºC- 6ºD	2ºB-6ºB	2ºD-6ºE	2ºA-6ºA

Cursos/semana

1º-5º

17/10

7/11

21/11

12/12

16/1

30/1

13/2

6/3

20/3

3/4

8/5

29/5

12/6

2º-6º

24/10

14/11

28/11

9/1

23/1

6/2

20/2

13/3

27/3

24/4

22/5

5/6

19/6

Así foi a primeira sesión da actividade na que se coñeceron e asinaron e cubriron o carné de Lecturas Compartidas. Unha boa experiencia, sen dúbida, para todos!!

LECTURAS COMPARTIDAS on PhotoPeach

FORMACIÓN DE USUARIOS

Dende o 17 de outubro ata o 4 de novembro estanse a realizar na biblioteca as sesións de formación de usuarios para o alumnado de primaria.

Nas sesións, coa colaboracións dos titores, lémbranse as normas e funcionamento da biblioteca, fanse actividades de búsqueda de libros e búsqueda de información e, por último, faise entrega dos carnés.

Un traballo co que se pretende atraer os nenos á biblioteca e aprenderlles a manexarse e facer un bo uso dela.

SAMAÍN

A biblioteca sacou dos seus estantes todos os libros de medo, bruxas, vampiros e demáis seres terroríficos para celebrar o Samaín.

Esta data sempre ten moi boa acollida porque úneselle que coincide coa entrega dos carnés e todos están ansiosos por estrenalos.

"Non hai medo que por ben non veña".

Tamén montamos a casiña terrorífica para animalos a ler historias de medo acubillados e iluminados cunha lanterna. 

Feliz Samaín!

BIBLIOTECA EN INFANTIL

Xa está listo o novo espazo da biblioteca no aulario de Educación Infantil. 

A Fada Mariña ten agora un lugar ben bonito para contarlle historias ós peques do cole. 

MOCHILAS VIAXEIRAS

Outro ano máis xa saíron as mochilas viaxeiras rumbo as casas das nenas e nenos de 2º e 3º de primaria. 
Son 20 mochilas cargadas de contos, aventuras, poesía, DVDs, ... para disfrutar en familia. 

Boa viaxe!!!

O PAPAGAIO

Xa podedes atopar na biblioteca a nova revista O PAPAGAIO .

Revista que edita en galego Edicións Moito Conto e que dirixe Abraham Carreiro.

Na revista atoparedes información sobre ciencia, tecnoloxía, cultura, historia, arte e ecoloxía; tamén banda deseñada e manualidades.

Clicando aquí podedes acceder a ela en formato dixital.

https://www.flipsnack.com/opapagaio/o-papagaio.html

Agardamos que a disfrutedes!! 

 

DÍA DAS BIBLIOTECAS

O vindeiro 24 de outubro celebramos o día das Bibliotecas. 

Dende o equipo de Normalización e Dinamización Lingüística propuxéronse actividades  sobre o libro "Los fantásticos libros voladores del Señor Morris Lessmore" de  William Joyce.

Un libro que pon en valor o papel da biblioteca e dos libros. Como eles nos pode cambiar,  facer voar e emprender novas e fantásticas "viaxes".

Nós, que este ano imos preparar a viaxe de Leo, seguro que na biblioteca atoparemos historias que nos transportarán a outros sitios e nos farán voar coa imaxinación, axudándonos, pouco a pouco, a escribir a nosa propia historia. O noso propio libro.

Disfrutádeo!!

Aquí tendes o corto, información e posibles actividades (o libro está na biblio)

COMEZAMOS!!

Leo e Mariña danvos a benvida un curso máis.

Este ano teñen pensado vivir moitas aventuras na nosa compañía. 

Por certo, a Leo sentoulle moi ben o verán, mirade que aspecto renovado loce!!.

Pronto teredes novas deles.

RECOMENDACIÓN DE LECTURAS PARA O VERÁN

Para disfrutar do verán non esquezades ter sempre un bo libro á man.


Vémonos en setembro!!!

Recomendacións Veran

Leer más publicaciones en Calaméo

A Berenguela

Os nenos e nenas de 5ºA  puxeron imaxes e voz  á obra de teatro de Manuel María "Aventuras e desventuras dunha espiña de toxo chamada Berenguela"

Esperamos que vos guste.

Preme na imaxe para ver o vídeo

BENVIDA 2016

O venres 3 de xuño démoslle a benvida ós nenos e nenas de Educación Infantil, do noso colexio e das unitarias adscritas de Coirós, Ois, Areas e Viñas, que o vindeiro curso comezarán con nós a etapa de Primaria.

Coa axuda dos alumnos de 1º, que fixeron de guías, os pequenos viñeron coñecer lugares do "cole de maiores" como a cociña, o Departamento de Orientación, o pavillón, a sala de usos múltiples e a biblioteca. En cada lugar tiveron unha sorpresa.
Aquí, na biblioteca, coñeceron a Leo, a nosa mascota e disfrutaron da historia "Una montaña de amigos" de Kerstin Schoene. 

Preme na imaxe para ver as fotos

Neste libro, maravilloso, cóntase a historia dun pingüín que non podía acadar o seu soño: voar e chegar ás nubes e como, grazas ós seus amigos, o acada. Eles tamén lle axudaron facéndolle un globo aeróstatico, para que sempre que o desexe, poida voar.

NOVOS LIBROS

Chegaron novos libros á  biblioteca atendendo ás vosas peticións feitas á traves do buzón de suxestións.

Son: 

                          

             

Esperamos que vos gusten e disfrutedes moito con eles!

Pero tamén temos outras novidades na sección de cómic:

       

As historias de Marieta de Nob da editorial Dib Buks

Marieta, agora Naneta, lembra como foi a súa infancia, como tivo que ir  vivir ó campo cos avós nunha época de guerra, aprender todo, facer novos amigos...

LETRAS GALEGAS 2016. MANUEL MARÍA

Este ano o día das Letras Galegas adicouse ó escritor Manuel María. O Equipo de Normalización e Dinamización Lingüística organizou actividades no noso centro ó longo de dúas semanas, algunhas delas podesdes velas se visitades o seu blog http://nontecortescoalingua.blogspot.com.es/ ou tamén dende aquí.

A biblioteca facilitou ós mestres un listado cos libros dispoñibles na nosa biblioteca para poder traballar ó escritor.

Neste Pearltrees podedes atopar todos os recursos que se facilitaron así como as actuacións e recitados que se fixeron no colexio.

MANUEL MARÍA, by bibliotecavales

Kamishibai do Quijote

Unha das actividades coas que se conmemorou o Día do Libro foi a representación do Quijote a través do kamishibai por parte do alumnado de 6ºC e 6ºD aos nenos e nenas de 5 anos de Educación Infantil.
Cada clase de 6º, coa axuda dos seus titores, elaborou as láminas e o texto para a súa representación.
Acudiron ao edificio de infantil todos ilusionados coa idea de mostrar o seu traballo aos máis pequenos, que os recibiron expectantes.
Tamén quixeron mostrarllo aos nenos e nenas de 1º cos que levan todo o curso compartindo lecturas.

Nenas e nenos de 4º presentan a Alicia ao alumnado de infantil

O alumnado de 4º de Educación Primaria acudiu ao edificio de Educación infantil para ler e representar para os máis pequenos a historia de Alicia no País das Maravillas.
Durante a representación, axudándose das ilustracións feitas por eles, ensináronlles as aventuras disparatadas que lle ocorreron a Alicia, que era unha nena á que lle gustaba moito soñar.
Finalmente animáronos a seguir soñando, xa que ...

para que algo suceda primeiro hai que soñalo

Aquí vos presentamos a reportaxe desta actividade, enmarcada dentro da celebración do Día do Libro:

DESCUBRINDO A CERVANTES E O QUIJOTE

Ó longo de dúas semanas tódolos alumnos de Primaria asistiron á nosa biblioteca para descubrir e aprender sobre Miguel de Cervantes e a súa obra Don Quijote de la Mancha
Aquí atoparon actividades  distribuídas en seis recunchos:

• Vida de Cervantes
• Personaxes do Quijote
• Pasatempos 
• Roupa e armaduras
• Cómic
• Actividades multimedia 

Tamén descubriron, tocaron, leron e ollaron todos os recursos bibliográficos que a biblioteca ten á súa disposición.
Traballaron xenial, con curiosidade, inquedanza, en equipo, con gañas de pasar a ver que atopaban noutro recuncho e as horas fixéronse curtas.
Grazas a todos por participar!!







Cervantes e o Quijote na Biblioteca on PhotoPeach

E non nos podemos esquecer de dar as grazas a todos os alumnos de 1º e as súas mestras e mestre por deixarnos o cole tan bonito.

DECORAMOS O COLE on PhotoPeach

DÍA DO LIBRO

Para conmemorar o día do libro Leo escribiu unha carta a tódolos nenos do colexio propoñéndolles un xogo. Tiñan que establecer unha relación entre catro imáxenes, escribir a resposta e poñela no taboleiro da biblioteca. 

 

A solución era que este ano, fai 400 anos, un 23 de abril faleceu Miguel de Cervantes, autor de "Don Quijote de la Mancha". O 23 de abril é o día do libro por ser, precisamente, o día do seu pasamento e o de Shakespeare.

A partires de aí  realizáronse as seguintes actividades:

• Recreación do conto de Alicia en el País de las Maravillas de tódolos cursos de 4º para E.I
• Danzarte. Baile do conto de Alicia en el País de las Maravillas. Para todos os alumnos de 4º
• Decoración dos corredores co tema de Don Quijote feito polos alumnos de 1º
• Kamishibai de Don Quijote feito polos alumnos de 6º C e 6ºD para os alumnos de 5 anos de E.I
• Contacontos. Raquel Queizás, coa historia "Dulcinea ten moito que contar" para os alumnos de 1º 
• Exposición de libros de Don Quijote e Cervantes na biblioteca
• Visita á biblioteca de tódolos curso de E.P , clase por clase, para realizar unha serie de actividades elaboradas polo equipo de biblioteca sobre Cervantes e o Quijote.

Paseniñamente irémosvos informando delas.

CERVANTES E O QUIJOTE

QUIJOTE, by bibliotecavales

DINOSAURIOS

Esta semana levaranse a cabo no colexio unhas actividades sobre os dinosaurios nas que participarán os alumnos e alumnas de 1º, 2º e 4º.

Á entrada da biblioteca poderedes atopar unha pequena recompilación de todo o que temos sobre eses animais tan interesantes. 

Agardamos que a disfrutedes!!

Igualdade

Para que algo se cumpra primeiro hai que desexalo e logo hai que traballar e loitar por el. Un dos nosos obxectivos é conseguir a igualdade entre todos, respectando a nosa diversidade. Mariña Erias Castro, alumna de 5º A, exprésao neste poema que nos achega:

SOÑAMOS CON ROSALÍA

Este ano descubrimos que Rosalía de Castro tamén soñaba desperta, igual que nós a través deste poema:

Din que non falan as plantas, nin as fontes, nin os paxaros,

nin a onda cos seus rumores, nin co seu brillo os astros,

dino, pero non é certo, pois sempre cando eu paso, 

de min murmuran e exclaman: 

- Aí vai a tola soñando 

coa eterna primavera da vida e dos campos,

e xa ben pronto, ben pronto, terá os cabelos canos,

e ve tremendo, aterecida, que cobre a xeada o prado.

-Hai canas na miña cabeza, hai nos prados xeada,

máis eu prosigo soñando, pobre, incurable sonámbula,

coa eterna primavera da vida que se apaga

e a perenne frescura dos campos e as almas,

aínda que os uns esgótanse e aínda que as outras se abrasan.

Astros e fontes e flores, non murmuredes dos meus soños,

sen eles, como admirarvos nincomo vivir sen eles?

Rosalía de Castro

Grazas a ela aventurámonos a descubrir o que soñaban, soñaron e soñan aínda os nosos maiores.

Destácovos un. O que soñaban uns avós cando eran nenos. Dí así:  " Cando miña avoa era pequeniña soñaba con ter unha boneca, porque non tiña ningunha, con poder estrear roupa nova, porque tiña a mesma todo o ano, e poder ir o colexio todos os días porque tiña que traballar no campo. Cando meu avó era pequeno soñaba con poder comer froita porque era moi cara e non se podía comprar, poder ter zapatos novos porque tiña unhas alpargatas e montar nun coche porque cando un pasaba polo pobo todos os nenos o seguían por detrás"

GRAZAS, GRAZAS E GRAZAS a todos os que nos abríchedes o voso corazón e compartístedes os vosos soños cos vosos fillos e fillas, netos e netas e con todos nós.

Día de Rosalía en Betanzos

Un ano máis o Concello de Betanzos e a Asociación cultural Eira Vella organizaron unha homenaxe a Rosalía de Castro na que o noso colexio participou.
Se premedes nas imaxes podedes ver as intervencións de nenos e nenas.

Has de cantar

Nenas e nenos de 1º móstrannos as ilustracións que fixeron para a canción Has de cantar, extraída do libro Rosalía pequeniña, de Uxía, publicado por Galaxia.

Día de Rosalía de Castro

O día 24 de febreiro conmemórase o Día de Rosalía, data que coincide coa do nacemento da autora no ano 1837.
Para que coñezades a súa vida e a súa obra elaboramos estas dúas presentacións:

Tamén recopilamos varios materiais que elaboraron colexios e outras institucións para que continuedes adentrándovos na figura desta importante escritora.

Biblioteca da Caracola Tola	Biblioteca do CEIP Pilar Maestú Sierra
Test
Pasapalabras	CP Nª Sra de los Ángeles. El Esparragal. Murcia

Rosalía de Castro cantada

Na súa obra Rosalía trata temas universais que trascenden o tempo.
O amor, o desamor, a ledicia, a festa, a beleza, a terra, a emigración, a soidade, …están presentes na súa obra.
Músicos de diferentes estilos interpretaron e seguen interpretando os seus poemas.
Aquí podedes atopar unha escolma: