viernes, 4 de diciembre de 2015

SEGUEN AS LECTURAS COMPARTIDAS

A piques de rematar o primeiro trimestre, seguen acudindo, fielmente cada quince días, as nenas e nenos de 6º e 1º a participar na actividade de lecturas compartidas.
Pouco a pouco a actividade vai madurando. Grazas a todos pola vosa implicación.

LECTURAS COMPARTIDAS 1ºA - 6ºC on PhotoPeach LECTURAS COMPARTIDAS 1ºB - 6ºE on PhotoPeach LECTURAS COMPARTIDAS 1ºC - 6ºB on PhotoPeach LECTURAS COMPARTIDAS 1ºD - 6ºA on PhotoPeach LECTURAS COMPARTIDAS 1ºE - 6ºD on PhotoPeach

domingo, 29 de noviembre de 2015

Neira Vilas. Sempre no recordo


O pasado venres enterámonos do falecemento do escritor Xosé Neira Vilas.
Galicia perde un gran escritor e unha persoa chea de vitalidade e de alegría de vivir.
En maio de 2013 visitou o noso colexio e durante unha xornada marabillosa puidemos coñecer ao escritor e, sobre todo, disfrutar da súa compaña, unha persoa amable, agarimosa, alegre e incansable.

Así o recollemos no noso blog.


Ademais de ler e reler a súa obra escoitemos esta cantiga, cunha letra tan suxestiva.

miércoles, 28 de octubre de 2015

Lecturas dramatizadas

Unha nova actividade comeza a súa andaina: a cadea de lecturas dramatizadas.
Un día destes os nenos e nenas de 2º A chegarán á clase duns compañeiros (non sabemos a quen elixirán…) para lerlles un conto que lles gusta moito e que prepararon con moito agarimo, deixaranlles o “cofre do tesouro” para que eles elixan outro conto e con quen compartilo, e así continuará a cadea.
Seguramente, ademais do conto, compartirán algún agasallo…
Estade atentos, a ver se conseguimos unha cadea que recorra o cole enteiro!!

2015-10-28 10.44.51 2015-10-28 10.44.10
2015-10-28 10.44.27

lunes, 19 de octubre de 2015

Unha exposición de medo

Neste tempo próximo ao Samaín, podedes atopar unha exposición de libros que tratan o medo, para tremer con el, para espantalo e tamén para rir con el.

Atrevédevos a vir, abride a porta e probade a sentilo...


domingo, 18 de octubre de 2015

Lecturas compartidas

Comezamos unha nova actividade na biblioteca, na que o alumnado de 6º e o de 1º comparten lecturas.
Cada nena ou neno de sexto apadriña a un ou dous de 1º co obxectivo de ir compartindo contos ao longo do curso.
A actividade está organizada por grupos-clase, de xeito que cada un deles tén asignado un día da semana.
Na primeira sesión xuntáronse na biblioteca para coñecerse e preparar o carnet de lecturas compartidas, no que irán rexistrando os títulos e a valoración dos libros que lean.
Están moi contentos e ilusionados con esta aventura, os maiores buscando lecturas que gusten aos peques e estes esperando a ver con que os sorprenden.


 (Música de Pablo Díaz, do disco Tic-Tac)

jueves, 8 de octubre de 2015

Outubro. Mes das bibliotecas escolares

Gústannos os contos porque nos permiten viaxar, pasar medo, conseguen intrigarnos ou prodúcennos risa...
Tamén nos gustan porque nos incitan a pensar...
Este é un deles, fala da biblioteca, que pode ser persoal (para un só e sempre ao noso carón), e pode ser pública, que nos permite acceder a cantidade de materiais e recursos que non sempre podemos ter nas nosas casas.
Escoitádeo:

(Preme na imaxe)

jueves, 10 de septiembre de 2015

Benvidos ao curso 2015-2016

O verán vai rematando e un novo curso comeza. As aulas énchense de actividade, o patio de xogos e ...


a biblioteca ofrécenos os seus tesouros.

Pronto chegarán as caixas viaxeiras ás aulas para que poidades descubrir un anaquiño dese tesouro.

As mochilas sairán camiño dalgunhas casas.
benvida
Os colaboradores comezarán a súa actividade.

benvida2 Compartiremos lecturas, recomendaremos libros uns a outros e...
seguro que haberá moitas sorpresas!

Estade pendentes!

martes, 30 de junio de 2015

Como contar ben un conto

Nas Xornadas de convivencia do Voluntariado de lectura os representantes dos colaboradores tiveron a oportunidade de aprender con Paula Carballeira a contar contos, estes son os apuntes que tomamos no taller de narración oral:

lunes, 29 de junio de 2015

Lectura expresiva

Nas Xornadas de convivencia do Voluntariado de lectura os representantes dos colaboradores tiveron a oportunidade de aprender con Charo Pita uns cantos trucos para mellorar a lectura expresiva, estes son os apuntes que tomamos:

jueves, 25 de junio de 2015

Xornadas de convivencia do Voluntariado de lectura

Do 26 ao 29 de maio, o CRD da Coruña (Culleredo) acolleu ao alumnado de Voluntariado de Lectura-A de catro centros galegos. Un deles foi o noso, xunto co Ramón Falcón de Castro de Rei (Lugo), o Carlos Casares de Xinzo da Limia (Ourense) e Altamira de Salceda de Caselas (Pontevedra).
14 nenas e nenos representaron nestas xornadas aos 134 colaboradores que ten a nosa biblioteca.
Ao longo dos catro días desenvolveuse un programa intenso de actividades relacionados coa lectura, o traballo cooperativo e a educación en valores de voluntariado e solidariedade.


(Preme na imaxe se queres ler o diario que elaboramos)

sábado, 13 de junio de 2015

Contos do mundo

Marwa Obaid Rashid Al Aqroubi escribiu co gallo da conmemoración do Día internacional do libro infantil:
“Falamos diferentes linguas e vimos de diferentes orixes, mais compartimos as mesmas historias”
É a mesma historia que se nos conta a todos
En diferentes voces
En diferentes cores
Pero permanece inmutábel…
Comezo… Argumento… E fin…
Nenas e nenos de 6º D recopilaron lendas e contos tradicionais de diversos países do mundo.
Comprobade como as historias permanecen inmutables a pesar das diferentes orixes…

jueves, 11 de junio de 2015

Visita de Ledicia Costas

Os nenos e nenas de 5º E fannos chegar as súas experiencias coa lectura do libro Escarlatina, a cociñeira defunta e tamén sobre a visita que fixo a autora ao noso colexio.


domingo, 7 de junio de 2015

Visita de Charo Anido

Charo forma parte da nosa comunidade educativa, é a nai dunha alumna de sexto. É, ademais, pedagoga e logopeda. Aínda que nestes momentos non está traballando nestas profesións tivo no pasado ocasión de estar con nenos e nenas de tódalas idades, axundádonlles naquelas cousas que lles costaban un pouquiño.
Ela contounos que sempre lle gustou moito ler e escribir. Dende moi pequena lía todo o que tiña por diante, e a partires dos catorce anos empezou a escribir. Escribe, sobre todo, poemas e relatos curtos.
Visitou a nosa biblioteca para presentarlle ao alumnado de sexto o conto que acaba de escribir: Hai unha carta para Wael.
Así o viron os nenos e nenas de 6º D:

jueves, 14 de mayo de 2015

Roteiro con Alfredo Erias

Nenas e nenos de 4º foron de roteiro por Betanzos acompañados por Alfredo Erias, director do Museo de As Mariñas e da biblioteca municipal.
Alfredo é o autor do libro titulado En Betanzos, a súa lectura motivou esta actividade.
Así nolo contan:


Grazas a todos os que a fixeron posible: Concello e Protección Civil de Betanzos, parroquia de Sta. María, libraría Biblos e, por suposto, Alfredo Erias.

domingo, 3 de mayo de 2015

Lecturas compartidas en infantil

Nas datas próximas ao Día do Libro os colaboradores da biblioteca acudiron á sala de infantil para acompañar aos máis pequenos no descubrimento da súa nova biblioteca e compartir libros. 


Anímate a ler

Se aínda non te deches conta do divertido e interesante que é ler, mira o que din os nenos e nenas de 4º A:

e os de 2º D:

sábado, 2 de mayo de 2015

jueves, 23 de abril de 2015

23 de abril. Día Mundial do libro

Un ano máis conmemoramos o Día do Libro e facémolo como máis nos agrada: lendo e escoitando historias.
Unhas cóntanas os compañeiros maiores, outras contacontos profesionais e outras os propios autores.
Imos enlazar a conmemoración deste día coa do Día da Letras Galegas, con este programa:
  • Nenas e nenos colaboradores da biblioteca lerán contos ao alumnado de 5º e 6º de infantil na súa nova "biblio".
  • O alumnado de 1º de primaria gozará dos contos que conte Raquel Queizás.
  • Os de 2º de primaria encontraranse con Abraham Carreiro.
  • Tucho Calvo acompañará ao alumnado de 3º co seu Paxaro de mar e vento.
  • Nenas e nenos de 4º realizarán un roteiro literario con Alfredo Erias.
  • Ledicia Costas compartirá o seu libro Escarlatina, a cociñeira defunta co alumnado de 5º.
  • Charo Anido (mamá dunha nena do colexio) presentará ao alumnado de 6º un conto da súa autoría.


FELIZ DÍA DO LIBRO 2015!

miércoles, 8 de abril de 2015

Novos colaboradores

Acaban de incorporarse os novos colaboradores da biblioteca. Trátase de 65 nenos e nenas de 5º.
Primeiro foi a formación: coñeceron as normas que deben observar e as tarefas que teñen que realizar.
Agora xa están colaborando nos recreos, xunto cos compañeiros de 6º.




jueves, 2 de abril de 2015

Día do libro infantil

Dende o ano 1967, o 2 de abril, data do nacemento do escritor Hans Christian Andersen, celébrase o Día Internacional do Libro Infantil co obxectivo de promocionar os bos libros infantís e xuvenís e a lectura entre os máis novos.

Cada ano, unha sección nacional do IBBY, selecciona a un escritor representativo e a un recoñecido ilustrador do seu país para que elaboren a mensaxe dirixida a todos os nenos do mundo e o cartel que se distribúe por todo o mundo.

Este ano, o país elixido é Emiratos Árabes Unidos. O deseño do cartel é da ilustradora Nasim Abaeian, e o texto, de Marwa Obaid Rashid Ao Aqroubi, destacada figura da literatura infantil no seu país.



sábado, 14 de marzo de 2015

Eu son Rosalía

A Asociación de escritores en lingua galega propuxo que nos acercaramos á diversidade temática da obra de Rosalía de Castro sentindo o mesmo que ela expresa na súa poesía, de modo que cada persoa descubra con cal das múltiples sensibilidades da autora se sente máis identificada.
Aquí vos presentamos o sentir do noso colexio:

(Cada fragmento da imaxe enlaza o vídeo dun curso)

Cuarto de infantil. Aprendemos con Rosalía Quinto de infantil. Bailamos con Rosalía
Sexto de infantil. Recitamos, cantamos e escribimos con Rosalía Primeiro de primaria. Un poema, cinco interpretacións
Segundo de primaria. Vente, rapaza Terceiro de primaria. Has de cantar
Cuarto de Primaria. Recitamos a Rosalía Cuarto de primaria. Un poema, tres visións
Quinto de primaria. Compartimos con Rosalía Sexto de primaria. Sentimos con Rosalía
Grazas a José Luis Pariente, técnico do Concello de Betanzos, pola súa dedicación a este traballo.

jueves, 26 de febrero de 2015

Día de Rosalía en Betanzos

De novo, alumnado do centro participou no acto de homenaxe a Rosalía de Castro que organizaron a Asociación cultural Eira Vella e o Concello de Betanzos.
Presentaron á autora e o tempo no que viviu, recitaron, cantaron e bailaron, mostrando así que a figura de Rosalía segue presente entre nós, os galegos.


Como chove miudiño Rosalía e o seu tempo
Adiós ríos, adiós fontes. Merengue
Poemas recitados

(Premede en cada unha das catro partes do debuxo e veredes as súas intervencións)

martes, 24 de febrero de 2015

Como chove miudiño

Nenas e nenos de 1º de Primaria móstrannos as ilustracións que fixeron para o poema Como chove miudiño que aprenderon da man da cantante Uxía e da profesora de música.
A canción foi extraída do libro-disco Rosalía pequeniña, editado por Galaxia.



(Premede na imaxe para ver a presentación)

domingo, 22 de febrero de 2015

Rosalía de Castro para os máis pequenos

O 24 de febreiro conmemórase o Día de Rosalía, coincidindo coa data na que naceu no ano 1837.
Mirade esta presentación para coñecer algo da vida e da obra da nosa gran escritora:



Tamén elaboramos unha presentación para os máis maiores.

miércoles, 21 de enero de 2015

Roque, o carteiro. Un conto para a PAZ

Nenas e nenos de infantil e primaria do noso colexio, coordinados polas profes de infantil, interpretan para todos nós este bonito conto para a PAZ.


Roque, o carteiro